WES-KAAP. – Die polisie het twee verdagtes hier vir die onwettige besit van vuurwapens en ammunisie in hegtenis geneem.
‘n Klopjag is in Mitchell’s Plain uitgevoer, waar ‘n perseel deursoek is en twee 9mm-pistole met ammunisie in die huis se dak gevind is. Twee mans, onderskeidelik 33 en 45 jaar oud, is vir die besit van onwettige vuurwapens en ammunisie in hegtenis geneem. Die vuurwapens is na bewering in Claremont en Pinetown gesteel.
Die verdagtes sal Woensdag, 13 November 2024, in die Landdroshof in Mitchell’s Plain verskyn op die genoemde klagtes.
