ITSANI VILLAGE, LIMPOPO. – Die polisie in Limpopo ondersoek die dood van drie kinders, tussen 2 en 4 jaar oud, in ’n brand in Itsani Village.
Lees ook: Vuurwapen van oorlede polisiebeampte gesteel
Die polisie het Vrydag ’n oproep ontvang oor ’n brand by ’n huis waarin kinders vasgekeer is. Hulle het hulle na die toneel gehaas waar brandbestryders reeds besig was om die brand te blus. Die kinders se liggame is in die huis gevind.
Die voorlopige ondersoek het bevind die kinders het naby ’n eenslaapkamerhuis gespeel, maar dit is onbekend wanneer hulle by die huis ingegaan het. Dit is nie bekend hoe die brand onstaan het nie.
Bron: SAPD
