President Cyril Ramaphosa het pas Minister Sisisi Tolashe as Minister van Maatskaplike Ontwikkeling ingevolge artikel 91(2) van die Grondwet van die Republiek van Suid-Afrika 1996 ontslaan. Sindisiwe Chikunga, Minister in die Presidensie vir Vroue, Jeug en Persone met Gestremdhede, is hangende ‘n voltydse aanstelling as waarnemende minister aangestel.
Geordin Hill-Lewis, Kaapstad-burgemeester en ook die DA se leier, het die President vroeër formeel versoek om teen Tolashe op te tree, teen wie daar ernstige korrupsie-aantygings gemaak word. Hill-Lewis het in sy versoek beklemtoon dat die Regering van Nasionale Eenheid nie van Suid-Afrikaners kan verwag om in hervorming te glo terwyl gedrag geduld word wat dit ondermyn nie.
Hill-Lewis het die ontslag verwelkom en gesê dit is ‘n belangrike stap om ‘n regering te bou wat Suid-Afrikaners kan vertrou. Hy voeg by dat, terwyl die ANC dikwels gekompromitteerde leiers beskerm, die DA altyd sal veg vir ‘n skoon regering en wangedrag sal blootlê waar dit gevind word.
