KAAPSTAD. – Suid-Afrika ervaar tans ’n ernstige tekort aan inentings vir Afrikaperdesiekte (AHS), wat ernstige implikasies vir kompetisieperde het. Die Suid-Afrikaanse Perdryfederasie (SAEF) het onlangs ‘n opgedateerde riglyn vrygestel rakende AHS-inentings vir deelname aan kompetisies.
Afrikaperdesiekte (AHS) is ’n dodelike en hoogs aansteeklike siekte wat Suid-Afrika se perdebevolking bedreig. Die virus, wat deur Culicoides-muggies versprei word, veroorsaak erge respiratoriese en bloedsomloopprobleme by perde, wat dikwels tot ’n pynlike dood lei. Met ’n byna 90% sterftesyfer in ongeënte perde, hou APS ’n bedreiging vir die hele perdebedryf in.
Volgens die nuwe riglyn moet perde wat binne die besmette sone kompeteer, ten minste een AHS1- en een AHS2-inenting tussen 1 Junie 2023 en 1 Desember 2025 ontvang het. Perde wat in die beheerde area in die Kaap woon, benodig nie AHS-inentings om binne daardie area te kompeteer nie, maar sal wel ingeënt moet wees indien hulle die area verlaat.
Slegs die Onderstepoort Biologiese Produkte se AHS-entstof, geregistreer onder die “Farm Feeds, Agricultural Remedies and Stock Remedies Act 1947,” word vir kompetisiedoeleindes aanvaar. Die inentings, wat in twee bottels (AHS1 en AHS2) toegedien word, moet ten minste drie weke uit mekaar toegedien word.
Inentings mag slegs van 1 Junie tot 31 Oktober elke jaar in die AHS-beheerde area gedoen word om die risiko van oordrag te vermy.
