Die Suid-Afrikaanse Polisiediens (SAPD) in die Noord-Kaap het met kommer kennis geneem van ‘n video wat op sosiale media versprei word en wat voorgee om ‘n voorval tussen polisielede en ‘n vrou tydens ‘n inhegtenisname uit te beeld. Polisiewoordvoerder brigadier Mashay Gamieldien se die inhoud is vervaardig en uit konteks aangebied.
“Die video en die meegaande beskrywing wat versprei word, is vals, misleidend, en gee nie ‘n akkurate weergawe van enige voorval met SAPD-lede in die provinsie nie,” het Gamieldien gese. Sy se sodanige inhoud is onverantwoordelik en kan ernstige reputasieskade aan die diens en sy senior bestuur aanrig.
Lede van die publiek word aangeraai om inligting deur amptelike SAPD-kanale te verifieer voordat hulle dit versprei. Gamieldien se die diens behou die reg voor om stappe te neem teen diegene wat kwaadwillige onwaarhede versprei.
Persverklaring.
