GAUTENG. – Die Suid-Afrikaanse Polisievakbond (Sapu) doen ’n beroep op president Cyril Ramaphosa om genl. Fannie Masemola in die posisie as nasionale polisiekommissaris te herstel.
Lehlohonolo Thobakgale, Sapu se nasionale woordvoerder, sê die vakbond is bekommerd oor onthullings by die Madlanga-kommissie en vra ook duidelikheid oor die status van die aanklagte teen Masemola.
Sapu sê daar is toenemende onstabiliteit binne die SAPD en doen ’n beroep op president Ramaphosa om stabiliteit te herstel sodat die polisie op die bekamping van misdaad kan fokus.
