Die Suid-Afrikaanse Uitsaaikorporasie (SAUK) het bevestig dat dit geen inspekteurs of amptenare aangestel het om TV-toestelle in mense se huise te ondersoek nie.
Luidens ‘n verklaring van die SAUK word ‘n boodskap op sosiale media versprei waarin beweer word dat mense as TV-lisensie-inspekteurs toegang tot huise probeer kry om dan misdaad te pleeg. Mmoni Ngubane, SAUK-woordvoerder, sê die publiek moet enige persoon wat beweer hy of sy is ’n SAUK-verteenwoordiger en toegang tot ’n woning probeer kry, by die polisie aanmeld.
Ngubane sê verder dat die SAUK slegs deur amptelike en veilige kanale met TV-lisensiehouers kommunikeer en dat deur-tot-deur-inspeksies nie deel van hul proses is nie.
Bron: SABC
