LEES OOK: KYK: Olimpiese swemmer Tatjana Schoenmaker trou met Rachel Kolisi se broer
SA Rugby het vandag ‘n verklaring uitgereik wat die uittrede van Duane Vermeulen ná 76 toetse vir die Springbokke bevestig. Baie het verwag dat die 37-jarige veteraan ná die Wêreldbeker-toernooi uit toetsrugby sou tree, en dit is nou amptelik dat sy 11 jaar lange internasionale toetsloopbaan tot ’n einde gekom het. Vermeulen het sy Springbok-loopbaan op ’n goeie noot afgesluit met die Springbokke wat die Wêreldbeker vir ’n tweede keer in ’n ry gewen het.
Mark Alexander, president van SA Rugby, het hulde gebring aan Vermeulen en het na hom verwys as ’n veteraan-Springbokspeler wat “een van die grootste spelers” in ons rugbygeskiedenis was.
“Duane sal vir altyd as een van die regte harde manne van Suid-Afrikaanse rugby beskou word – hy was nie net ‘n ongelooflike kraghupstoot vir die Springbokke nie, maar ook ‘n veelvlakkige speler wat altyd sy beste gelewer het,” het Alexander gesê. “As iemand wat verkies het om weg van die kollig af te werk, was Duane een van daardie spelers wat nooit met die tweede beste tevrede was nie en hy het altyd alles wat hy gehad het vir sy span gegee. “Hy was ‘n leier wat Suid-Afrika in vier toetse gelei het, maar hy het ook uitgetree as die mees bekroonde Springbok nr. 8 met twee medaljes as wenners van die Rugbywêreldbeker – ‘n wonderlike prestasie vir ‘n speler wat onthou sal word as ‘n ware legende van die sport.”
Vermeulen is vir ‘n blink afrigtingstoekoms aangewys, en Alexander het bygevoeg dat hy nog baie het om die spel te bied nadat sy speelloopbaan tot ‘n einde gekom het. “Duane het ‘n massiewe indruk gemaak waar hy ook al gegaan het, en kyk mens na sy prestasies regoor die wêreld, is dit duidelik dat hy nie net ‘n Springbok-legende was nie, maar ‘n uitstekende ambassadeur vir Suid-Afrika,” het Alexander bygevoeg.
“Ek weet Duane het nog baie om terug te gee aan ons wonderlike spel, maar soos sy speelloopbaan tot ‘n einde kom, wil ek namens die hele Suid-Afrikaanse rugbyfamilie vir Duane bedank vir sy onbaatsugtige diens aan sy land en die Springbokke, asook sy provinsiale unies,” het hy gesê.
#Springbokke #Rugby #DuaneVermeulen #Afrikaans #Nuus
Bronne gebruik: RugbyPass; Planet Rugby; News24; IOL.
