Die Stad Kaapstad begin Maandag 4 Mei met sy jaarlikse onderhoud aan duineprojekte by Tafelbaai, Houtbaai, Witsand, Monwabisi en Fleur Park. Die werk duur tot einde Mei.
Die Stad se Direktoraat vir Ruimtelike Beplanning en Omgewing sal opgehoopte sand wat deur wind en gety opgebou het, met ‘n graafmasjien en gelede tipperhouer wegruim. Frontale nette aan die voet van die duine word opgelig en die skoon sand word terug in die see onder die laagwatermerk geplaas. Volgens Alderman Eddie Andrews, Adjunkburgemeester en LUR vir Ruimtelike Beplanning en Omgewing, is die doel om windgewaaide sand terug in omloop te bring.
Die strande bly oop vir die publiek, maar besoekers moet honde onder beheer hou en weg bly van die grondverskuiwingstoerusting.
READ MORE: Waarskuwing oor blaasoppies wat op Kaapse strande uitspoel
