BANGKOK. – Toe Thaise polisie gesukkel het om ’n reeksinbreker vas te trek wat hulle herhaaldelik ontglip het, het hulle met ’n kreatiewe plan vorendag gekom: om hulle in ’n tradisionele leeukostuum te vermom om nader aan hul ontwykende teiken te kom.
Volgens ABC News wys ‘n video wat deur die Bangkok-polisie vrygestel is hoe beamptes onder ’n rooi-en-goue leeukostuum versteek is en in die rigting van die verdagte dans terwyl hy by ’n Lunar-nuwejaarsfees by ’n tempel in Nonthaburi, ’n provinsie langs Bangkok, rondbeweeg. Oomblikke later storm die beampte wat die papier-maché leeu se kop vashou vorentoe en pen die man teen die grond vas.
Volgens die polisie word die 33-jarige verdagte daarvan beskuldig dat hy vroeër dié maand drie keer by die huis van ’n plaaslike polisiekaptein in Bangkok ingebreek het en met waardevolle items ter waarde van miljoene baht weggekom het. Hy is voorheen skuldig bevind aan dwelmverwante oortredings en inbrake.
Leeudansery vorm dikwels deel van feesvieringe tydens die Lunar-nuwejaarsfees.
Bronne: ABC News, AP News
