LIMPOPO. – ‘n Seun (17) is tot agt jaar gevangenisstraf deur die Waterval-streekhof vir die verkragting van ‘n 9-jarige meisie, op 20 September 2023 in die Waterval-polisiëringsarea, gevonnis. Hy dien tans vonnisse vir vier afsonderlike, maar soortgelyke oortredings wat in die Rietgat-polisiëringsbied in Gauteng gepleeg is, uit.
Luidens ‘n verklaring deur lt.kol. Malesela Ledwaba, polisiewoordvoerder, is die meisie, tans 11 jaar oud, op die betrokke datum omstreeks 10:00 deur haar ma gestuur om brood te gaan koop. Op pad terug het sy die seun, toe 15 jaar oud, teëgekom. Hy het haar na ‘n huis geneem, waar hy haar verkrag het.
‘n Verkragtingsaak is geopen ná die voorval by die polisie aangemeld is. Die verdagte is opgespoor en in hegtenis geneem, waarna hy deur ‘n proefbeampte geassesseer is. AO Lufunu Mercu Mutheiwana van Makhado-GKS het die verkragtingsaak ondersoek.
Die beskuldigde is tot agt jaar tronkstraf in verpligte verblyf in ‘n kinder-en-jeugsentrum in Soshanguve gevonnis.
