GRANGETOWN, KZN. – ’n Familie se troetelhond is gister beseer nadat twee pitbulls by ’n privaat eiendom in High Street in Grangetown ingegaan het.
Lees ook: Reën in Oos-Kaap en KZN vir vandag voorspel
Die Reaksie-eenheid SA (Rusa) is oor die hondeaanval geskakel en het by hulle aankoms die beseerde hond onder ’n voertuig sien skuil terwyl die pitbulls probeer het om dit te byt.
Die eienaar van die pitbulls is opgespoor en hy het die honde weggeneem. Hulle het uit sy sakeperseel ontsnap wat ook in High Street is.
Die beseerde hond is vir behandeling na ’n veearts geneem.
Bron: RUSA
