INTERNASIONAAL. – Abu-Bilal al-Minuki, die tweede in bevel van ISIS wêreldwyd, is pas in ‘n gesamentlike operasie deur Amerikaanse en Nigeriese magte in dié land om die lewe gebring.
Pres. Donald Trump het Saterdag 16 Mei op sosiale media gesê dat hy dié opdrag gegee het. Volgens hom het al-Minuki probeer om in Afrika te skuil, maar Amerikaanse bronne het sy bewegings gemonitor. Met sy uitskakeling, sê Trump, is ISIS se wêreldwye bedrywighede aansienlik verswak.
Trump het die Nigeriese regering bedank vir hul samewerking en bygevoeg dat al-Minuki nie langer ‘n bedreiging vir die mense van Afrika of vir Amerikaanse belange inhou nie.
