WES-KAAP. – Twee mans is op die terrein van die Primêre Skool Bellville-Noord aangekeer nadat SJC Security Services op verskeie alarms gereageer het wat met ’n aangemelde inbraak verband hou. Die veiligheidsbeamptes het die skool se terrein deursoek en ontdek daar was toegang tot die kafeteria- en rekenaarkamers.
Volgens SJC Security Services het ’n gewapende reaksiespan die twee verdagtes tydens ’n deursoeking op die perseel opgespoor. Een het agter die saal weggekruip en die ander agter ’n kas. Wapens is volgens die veiligheidsmaatskappy glo ook in hul besit gevind. Die polisie is ontbied en het die toneel oorgeneem, waarna albei verdagtes in die polisie se sorg toevertrou is. Dit is nie bekend of hulle reeds formeel aangekla is nie.
Kry jou nuutste nuus elke oggend per e-pos. Teken hier aan:
