KWAZULU-NATAL. – ’n Paartjie se vreugde oor hul onlangse verlowing het in tragedie geëindig toe die vrou, in haar middel 40’s, skielik gesterf het terwyl hulle op pad was om dit met ’n vakansie te vier. Ten spyte van sowat 90 minute se intense pogings om haar te red, kon haar hart nie weer begin klop nie en is sy op die toneel dood verklaar.
Craig Botha van KwaZulu Private Ambulance Service sê die paartjie, wat slegs twee weke tevore verloof geraak het, was onderweg van Johannesburg na Umhlanga om hul verlowing te vier toe die voorval by ’n vulstasie in Cato Ridge plaasgevind het. Dié diens se beamptes was omstreeks 07:00 onderweg na ‘n geskeduleerde vergadering en het vinnig by die vulstasie gestop toe hulle vir hulp gesmeek is. Die vrou is bewusteloos in die voertuig aangetref en het geen tekens van lewe getoon nie. Paramedici het onmiddellik begin met kardiopulmonêre resussitasie (KPR) terwyl bykomende noodspanne ontbied is. Volgens Botha het die vrou, ’n ma van twee, reeds vir ongeveer twee weke oor aanhoudende borspyn gekla.
Botha het sy meegevoel met die familie en die verloofde uitgespreek en die publiek gemaan om aanhoudende borspyn ernstig op te neem en onmiddellik mediese hulp te soek.
One Response
dcbbzj