MPUMALANGA. – Mariana Kotze, Kokkedoor 3-deelnemer en oud-Standerton-inwoner, het Maandagoggend vermis geraak nadat sy glo in Komatipoort gekaap is.
Luidens die Standerton Chronicle, asook buurtwagte en vriende van Kotze, het sy omstreeks 08:00 haar woning in Marloth Park verlaat om inkopies in Komatipoort te doen. Sy het ’n silwer Pajero Sport met registrasienommer KCZ 830 MP bestuur. Daar word beweer dat sy later in Komatipoort gekaap is. Haar man het omstreeks 10:30 ’n oproep van die vermeende kapers ontvang waartydens hy haar glo in die agtergrond kon hoor.
Enigiemand wat haar sien of enige inligting oor haar bewegings het, word dringend versoek om Boland by 082 387 6518 te kontak.
Die volgende gesoektepersoon-banier word op sosiale media versprei. Nuusflits het polisiekommentaar gevra.
