KWAZULU-NATAL. – ‘n Vrou in haar 50’s het Sondagmiddag op die Kwadukuza-afrit verskeie skietwonde opgedoen en gesterf. Haar volwasse dogter het geringe beserings opgedoen.
Samantha Meyrick, woordvoerder van IPSS Medical Rescue, sê paramedici is kort ná die voorval na die toneel ontbied nadat rapportering van ‘n skietery ontvang is. Met hul aankoms is die vrou dood in die bestuurdersitplek van ‘n ligte motorvoertuig aangetref.
Meyrick sê voorts die polisie het ‘n moordsaak geopen en ondersoek die voorval.
