JAPAN. – Houra Inaba (23) is dood nadat Shinsei Taguchi (29) van die twaalfde verdieping van ‘n gebou in die stad Nagoya geval en op haar beland het.
Volgens AP News het plaaslike owerhede gesê die voorval het op 19 Julie omstreeks 01:00 plaasgevind toe Inaba saam met ‘n vriendin op die sypaadjie gestap het enTaguchi op Inaba beland het. Nooddienste is na die toneel ontbied nadat die vriendin hulp ontbied het. Inaba is na ‘n hospitaal geneem waar sy omstreeks 05:30 aan haar beserings beswyk het. Taguchi het die val oorleef en is ook na ‘n hospitaal geneem vir behandeling. Volgens berigte was hy by sy bewussyn toe hulpdienste opgedaag het.
Die polisie ondersoek die voorval, insluitend hoe en waarom Taguchi van die gebou geval het. Geen verdere besonderhede oor die oorsaak van die val is tot dusver bekend gemaak nie. Die tragiese voorval het groot aandag in Japan en internasionaal getrek weens die buitengewone aard daarvan.
Bronne: AP News, Japan Today, NHK World Japan, The Mainichi
