Vyf kry tronkstraf vir verkragting

Lees ook :

DE AAR – Die gemeenskap in Hanover in die Pixley ka Seme-distrik het ‘n groot sug van verligting geslaak toe drie verdagtes op grond van verkragting, tronkstraf ontvang het.

Volgens brig. Mohale Ramatseba, polisiewoordvoerder, het ‘n vrou (23) in Oktober 2017 by ‘n plaaslike petrolstasie vir ‘n vriend gewag. Matsebe sê toe die slagoffer se vriend egter nie opdaag nie, het sy besluit om terug te loop huis toe.

Op haar pad het vyf mans, tussen die ouderdomme van 17, 19, 20 en 38 haar vasgekeer en haar om die beurt verkrag.

Die polisie is dadelik in kennis gestel en die vyf verdagtes is dieselfde dag nog in hegtenis geneem.

Die vyf het in die De Aarse landdroshof verskyn en die twee minderjariges (17) het borg gekry terwyl die ander drie in aanhouding gebly het tot hul vonnisdatum 4 Februarie 2020.

Die streekshof het Ricardo Arends (19) en David Hendricks (38) tot lewenslank tronkstraf gevonnis. Elvis Arends (20) is 20 jaar tronkstraf gevonnis. Die twee minderjariges sal 2 Maart 2020 weer voor die hof verskyn om gevonnis te word.

Die hoof van gesinsgeweld, kinderbeskerming en seksuele misdrywe bedank die ondersoekbeampte, kapt. Salomie Coetzee, vir haar uitmuntende ondersoek.

Foto: Kapt. Salomie Coetzee.

Detecting your platform...

Klik hier om ons toep af te laai Nuusflits App