Vrystaat was die grootste wenners op dag een van die FNB onder 18 Craven Week by Hoërskool Grey in Gqeberha op Maandag, terwyl die WP, Boland en die Natalse Haaie ook oorwinnings behaal het.
Suid-Afrikaanse rugby se voorste skoolseuns en -meisies het hierdie Maandag by Hoërskool Grey saamgetrek om deel te neem aan die eerste rondte van die FNB onder 18 Craven Week en FNB onder 18 Meisies Week toernooie.
Die Craven Week het met ’n skouspel afgeskop, met 41 drieë in die eerste vier wedstryde. Vrystaat en die Limpopo Blou Bulle het altesaam 107 punte in ’n vermaaklike wedstryd op die Kolisi-veld aangeteken, met die seuns van Bloemfontein wat uiteindelik ’n 66-41 oorwinning behaal het.
Vrystaat se losskakel Zachary Walbrugh het die wedstryd met ’n persoonlike totaal van 31 punte afgesluit – ’n totaal wat ’n driekuns drieë ingesluit het – terwyl senters Ruan Roux en Eddie Mabena twee drieë elk gedruk het.
In ander wedstryde het die Boland laat gewag om ‘n 39-20 oorwinning teen die Luiperds te verseker, en die Haaie het vyf drieë aangeteken in hul 36-19 oorwinning teen SWD. Die Gasheer Oostelike Provinsie het ‘n goeie begin gemaak in die laaste wedstryd van die dag teen WP en die uitslag was steeds halftyd nog lank nie ‘n uitgemaakte saak nie, nadat plaaslike stut Nathan Trytsman twee strafdoele aanteken het. Die Westelike Provinsie span het die tempo in die tweede helfte egter gelig en 21 onbeantwoorde punte aangeteken, met Achmat Behardien (losskakel) wat ses drieë verdoel het asook ‘n drie in die doodsnikke aangeteken het toe WP ‘n 42-25 oorwinning behaal het. Die rugby aksie gaan Dinsdag voort met Grens wat die Valke om 09:30 ontmoet en die Blou Bulle wat later die middag in ‘n opwindende Jukskei-derby teen die Goue Leeus speel.
FNB onder 18 Craven Week dag een uitslae (Maandag, 6 Julie): Boland 39 (3) Luiperds 20 (13) Vrystaat 66 (28) Limpopo Blou Bulle 41 (19) Haaie 36 (7) Suid-Westelike Distrikte 19 (5) Westelike-Provinsie 42 (14) Oostelike Provinsie 25 (13)
Vir meer fotos, klik hier. Fotos deur Johan Maree aXnShots.
