LIMPOPO. – ’n Tienerseun (14) het Donderdag op twee aanklagte van verkragting, wat na bewering op 3 Januarie in die Gravelotte-polisiëringsgebied gepleeg is, in die Namakgale-landdroshof se spesiale hof verskyn.
Luidens ‘n verklaring van polisiewoordvoerder, brig. Hlulani Mashaba, is die saak op 6 Januarie onder polisie-aandag gebring nadat ’n seun sy voog ingelig het ‘n bekende persoon het hom en ‘n meisie omstreeks 15:00 glo na bosse naby ’n spoorlyn gelok. Hier is een van die kinders na bewering deur die verdagte tiener verkrag, waarna hy die seun die meisie laat verkrag het. Die voorval is by die polisie aangemeld, waarna die slagoffers, onderskeidelik agt en nege jaar oud, na ‘n hospitaal geneem waar ‘n mediese ondersoek die beweerde verkragting bevestig het. Die tienerseun is op dieselfde dag in hegtenis geneem.
Hy sal weer op 5 Februarie op aanklagte van verkragting en gedwonge verkragting in die hof voorkom. Volgens die polisie duur die ondersoek voort.
One Response
farmacie senza ricetta online: acquisto farmaci a domicilio Italia – farmacia online Italia