NOORDWES. – Twee vlieëniers het Woensdag tydens ’n ongeluk met ’n Sling 2-vliegtuig (registrasie ZU-LOW) by Klipgat gesterf. Foto’s van die oorledenes, wat vermoedelik deur die publiek geneem is, is op sosiale media gedeel.
Volgens Sisa Majola, woordvoerder van burgerlugvaartowerheid, sê aan Nuusflits die vliegtuig het van Grand Central-lughawe opgestyg met die bedoeling om daarheen terug te keer. Ondersoekers het met die lugverkeerbeheer gekonsulteer en bevestig dat daar geen noodoproep van dié ligte vliegtuig af gemaak is nie.
Die ondersoekafdeling vir ongelukke en insidente (AIID) het die ongelukstoneel vir bewyse deursoek. Die inligting sal deel wees van ’n voorlopige verslag van die ongeluk wat binne 30 dae vrygestel sal word.
Meegevoel is deur die AIID aan die families, vriende en kollegas van die oorlede vlieëniers betuig.
One Response
miglior farmacia online con sconti: miglior farmacia online con sconti – classifica farmacie online