VERENIGDE KONINKRYK. – ‘n 3-jarige seuntjie is in ’n kriteke maar stabiele toestand in die hospitaal nadat hy by ’n dieretuin in Engeland in ’n krokodilhok beland het. Hy is glo deur ‘n man in die hok gegooi, waarna die eienaar van die dieretuin se vrou agterna is om hom te red.
Volgens Britse owerhede het die voorval by Johnsons of Old Hurst Zoo in Cambridgeshire plaasgevind, waar nooddienswerkers vinnig ontbied is nadat berigte ontvang is dat ’n kind binne die omheining van die krokodille was. Die seun is na die Addenbrooke’s-hospitaal in Cambridge geneem, waar hy behandel word.
Polisie in Cambridgeshire het bevestig dat ’n 30-jarige man in hegtenis geneem is op ’n klag van poging tot moord. Ondersoekbeamptes sê daar word tans geen verband tussen die verdagte en die kind gemaak nie, en die omstandighede van die voorval word nog ondersoek. Die dieretuin is tydelik gesluit terwyl ondersoekers en polisie verklarings van getuies insamel en die toneel ontleed.
Owerhede het ’n beroep op die publiek gedoen om nie oor die saak te spekuleer nie, aangesien dit ’n aktiewe kriminele ondersoek is.
Bronne: BBC News, Sky News, Associated Press
