Willem Petzer, openbare figuur, het hierdie video op sy Facebook-blad gedeel.
Is jy daar?
Boere en die gemeenskap ruk vreedsaam op na Roedtan-landdroshof waar die vermeende moordenaars wat plaaseienaar Nicky Janse van Rensburg en sy mense, oorval, aangeval, hom gruwelik met ‘n pyp geslaan en hom toe teregstellingstyl doodgeskiet het, 09:00 in die hof verskyn.
Petzer, openbare figuur, het drie dae gelede ‘n videoplasing gemaak van die beplande optog, gereël deur Hendrik Botha, voorsitter van Roedtan-Suid se Boerevereniging.
Die aanval het op Vrydag 7 Oktober op die plaas Derde Kraal in Roedtan, Waterberg-distrik, in Limpopo gebeur.
Na bewering het verdagtes met ‘n wit Toyota Corolla op die plaas aangekom en ‘n jong man wat daar was, oorval en vasgebind. Terwyl hy in die huis bewaak is, het van die verdagtes Nicky en Katryn Grobler, sy lewensmaat, ingewag. Hulle is ook oorval, vasgemaak en eise vir geld en wapens is gemaak, waarna Nicky doodgeskiet is. ‘n Plaaswerker het die volgende oggend die hulpkrete gehoor, waarna die polisie ontbied is.
Verskeie arrestasies is gemaak terwyl die ondersoek voortduur.
Volg FiND iT se Facebookblad hier en klik hier om ons app af te laai. Klik hier vir vandag se nuutste nuus. As jy Afrikaanse Nuus op die Moya App wil lees, volg die skakel.
