Lees ook: Agnes Setshwantsho se borgaansoek duur voort
MAHIKENG. – Agnes Setshwantsho se borgaansoek is uitgestel tot Vrydag wanneer ’n besluit daaroor geneem sal word.
Setshwantsho is in hegtenis geneem en aangekla vir die dood van haar niggie, Bonolo Modiseemang, in 2022, vir haar lewenspolis.
Sy word aangekla van moord, regsverydeling en bedrog. Setshwantsho is ook die hoofverdagte in haar seun se moord, terwyl die dood van haar man, dogters en broer ook ondersoek word.
Die staat voer aan Setshwantsho is ’n vlugrisiko terwyl haar prokureur sê omdat sy aan diabetes ly, kan sy nie vlug nie.
Nhlanhla Mahlangu, Setshwantsho se prokureur, het gesê sy moenie ’n las op die staat wees nie, want sy kan vir haarself sorg. Sy wil ook vrygelaat word sodat sy haar seun se besittings in Kaapstad kan gaan haal.
Bronne: Jacaranda FM, TimesLIVE, EWN
