ZWELITSHA. – Die polisie het twee mans in verband met die moord op die bekende bokser, Zolani Tete, in hegtenis geneem. Tete is op 21 Augustus 2026 by NU17, Mdantsane, doodgeskiet.
Volgens brig. Nobuntu Gantana, polisiewoordvoerder, is die twee verdagtes, 30 en 22 jaar oud, op Saterdag 22 Augustus 2026 in Ku Gompo aangekeer. “Dit het gebeur ná ’n vinnige polisie-operasie waarby verskeie eenhede betrokke was. Hulle word tans oor die moord en ook oor die aanval op ’n 27-jarige vrou wat saam met Tete beseer is, ondervra.
Luidens ’n verklaring deur die SAPD kan hulle kan nog nie meer besonderhede oor die motief of die arrestasies bekendmaak nie, omdat die ondersoek sensitief is. “Meer arrestasies word binnekort verwag.”
Verder is die publiek en die media gevra om nie te spekuleer nie, want dit kan die ondersoek en die hofsaak skaad.
Die SAPD het die ondersoekspan vir hul vinnige werk bedank, en vra enigeen met inligting om dit te deel by Crime Stop, 08600 10111. Alle inligting word vertroulik hanteer.
