Die Suid-Afrikaanse weerdiens se voorspelling vir vandag sluit moontlike ligte reën vir die ooste van die land in.
Hittegolftoestande sal steeds oor die Vrystaat, oostelike dele van die Noord-Kaap en die suidelike en westelike dele van Noordwes heers. Temperature in Noordwes sal tot Saterdag hoog bly namate die hittegolf oorbeweeg.
’n Waarskuwing oor toestande bevorderlik vir die ontstaan van wegholveldbrande is vir die Beaufort-Wes-munisipaliteit in die Wes-Kaap en die Khai-Ma-munisipaliteit in die Noord-Kaap uitgereik.
Kanse vir verspreide donderbuie in die ooste van die land sal teen Donderdag vergroot, terwyl die moontlikheid van reën vir die naweek weer verswak.
Bronne: Suid-Afrikaanse weerdiens, Facebook
