SUID-AFRIKA. – Die sanger, Robbie Wessels, het by die “natuurlik gaan ek”-trend op TikTok aangesluit.
Sosialemediagebruikers is sedert Januarie gaande oor dié neiging. Die konsep is eenvoudig: jy vul die spasies by “Ek is … , natuurlik gaan ek …” in.
Aanvanklik was dit onderwysers en polisiemanne wat die video’s begin maak het. Mense sien dit as die ideale geleentheid om met hulself, hul beroepe, identiteite en stereotipes gek te skeer.
Wessels begin sy video met: “Ek is Robbie Wessels en natuurlik gaan ek hierdie jaar by elke show die leeuloop doen.”
Hy integreer sy lirieke op ’n skreeusnaakse manier. “Ek is Robbie Wessels en natuurlik gaan daar by elke show geskinny dip word.” Dit verwys na sy bekend liedjie, Skinny dip.
Internasionale sterre soos Kim Kardashian en Mariah Carey het soortgelyke video’s gemaak.
Bronne: Robbie Wessels Twitter-bladsy, The Sun
