Vandag 29 Februarie 2024 is skrikkeldag. Elke vier jaar word ’n ekstra dag by die jaar gevoeg. Dit word nie net as verskoning gebruik vir vroue om mans die jawoord te vra nie; daar is ’n wetenskaplike verduideliking daaragter.
Skrikkeljaar vind plaas as gevolg van die wanbalans wat tussen ons kalenders en die aarde se omwenteling om die son is. Die aarde neem altesaam 365 dae en ses uur vir een omwenteling rondom die son. Dus kry elke vier jaar ’n ekstra dag om vir die ses uur op te maak.
Veral in Ierland bestaan die tradisie dat vroue mans op skrikkeldag vra om te trou. China vier dit met kinders wat aan hulle ouers geskenke gee. In Taiwan kook dogters ’n feesmaal vir hul ouers om hulle ’n lang en gelukkige lewe toe te wens. Amerikaners sien dit as ’n skoonmaakdag waarop hulle orde skep.
Skrikkeljaar herinner ons om by die natuur en sy prosesse aan te pas. Nie andersom nie.
Bronne: USA Today, Washington Post, National Geographic
