Is jy op soek na idees vir bykosse? Hierdie resep vir heerlike aartappels sal saam met amper enige dis werk.
BESTANDDELE:
800 g baba-aartappels, afgespoel
80 ml geurige knoffelbotter
4 sprietuie fyngekerf met groen stingel en al
15 ml repies suurlemoenskil
45 ml suurlemoensap
sout en peper
2 – 3 wiele fetakaas, in 2 cm blokke gesny of gebreek
METODE:
1. Kook die aartappels in ‘n kastrol met soutwater tot sag. Dreineer en sit terug in kastrol.
2. Voeg die knoffelbotter en sprietuie by en laat die botter smelt. Braai tot die sprietuie effens glaserig raak.
3. Voeg die suurlemoenrepies en -sap by en breek dan die aartappels grofweg met die vurk.
4. Geur na smaak en roer die feta liggies deur. Skep in ’n mooi bak en bedien.
Besoek Marinda Kook se webtuiste vir meer sulke resepte.
Bron: Marinda Kook
