KWAZULU-NATAL. – ‘n Motorfietsbestuurder wat kitskos aflewer, is Vrydagmiddag tydens ‘n beweerde rooftog in Tipstone, Phoenix, kritiek gewond.
KZN VIP Protection Services sê gemeenskapslede het na bewering gesien hoe twee manlike verdagtes die motorfietsbestuurder aanhou en skiet. Die verdagtes het met ‘n selfoon en ‘n onbekende bedrag geld gevlug.
KZN VIP se reaksie-eenheid het saam met paramedici, GPF en die polisie ondersteuning op die toneel gebied. Die slagoffer is deur paramedici gestabiliseer en vinnig vir verdere mediese hulp na ‘n fasiliteit vervoer.
Die verdagtes het in die rigting van Bhambayi gevlug.
Nuusflits het polisiekommentaar gevra.
