NOORD-KAAP. – Warren Vivian George (33) is drie jaar tronkstraf deur die Hopetown-distrikshof opgelê, nadat hy Sondag ‘n beskermingsbevel wat aan sy ouma (80) toegestaan is, oortree het.
Sers. Timothy Sam sê die hofbevel is vir gesinsgeweld toegestaan en George het sekere voorwaardes oortree. Hy het sy ouma beledig en aangerand. George is skuldig bevind en gevonnis en is ook onbevoeg verklaar om ‘n vuurwapen te besit.
Lt.genl. Koliswa Otolo het die ondersoekbeampte, speur.konst. Katlego Chabagae, vir die suksesvolle afhandeling van die saak geprys.
