BRITS-COLOMBIË. – Nick Chowdhury is onlangs verras toe ’n 14-jarige seun sy beursie wat al vir 33 jaar lank vermis was, gevind en aan hom terugbesorg het.
Chowdhury het in 1991 sy beursie tydens ’n visvanguitstappie verloor. Saam met sy beursie was sy geboortesertifikaat, identiteitsdokument en bankkaarte skoonveld.
Jamie Lee (14) en sy vriende het onlangs na ’n elektriese skaatsbord se kontrole tussen die rotse by die Comoz Marina in Brits-Colombië gesoek toe hulle op die harde, ou beursie afkom.
Volgens Lee was dit soos om in tyd terug te gaan. Hy kon sy oë nie glo toe hy sien die persoon se identiteitsdokument het in die vorige eeu al verval nie. Hy het selfs videowinkelkaarte in die beursie ontdek.
Lee se pa het Chowdhury deur sosiale media opgespoor en die beursie aan hom terugbesorg. Chowdhury was dankbaar en sê dit voel of hy nou weer ’n verbintenis het met sy verlede en wie hy was.
Bronne: UPI, CTV News, Chek News
