OOS-KAAP. – Verskeie dele van die Oos-Kaap loop tans onder vloede en hoë reënval deur. Dit hou verband met die afsnylaagdruk wat oor die Wes-Kaap beweeg.
Die Suid-Afrikaanse Weerdiens het vroeër ’n Oranje Vlak 6-waarskuwing van ontwrigtende reën vir die gebied vanaf Gqeberha tot Port St Johns uitgereik.
Charmain Mulder Hurter sê daar het al meer as 250 mm se reën in Uitenhage geval. Die Uitenhage-polisie het spesiaal ’n beheerkamer opgestel waarheen mense kan bel indien hulle in nood verkeer.
Oos-Londen het volgens Louise Gerber Kleynhans meer as 100 mm reën sedert gisteroggend 08:00 gekry. Gerrit Naude wat in Port Alfred bly, sê by hulle het dit sedert Vrydagaand meer as 165 mm gereën.
Stilbaai, Gansbaai, Margate en Gqeberha ontvang ook baie reën.
Die volgende beeldmateriaal is deur inwoners op sosiale media gedeel:
Bronne: Reënval in Suid-Africa, Cinematic Travel SA, TikTok, X
