KWAZULU-NATAL. – ‘n Motorfietsbestuurder, vermoedelik in sy 50’s, het net voor 09:00 vanoggend op die M41 en Ridgesidepad, in Umhlanga, noord van Durban gesterf.
Garrith Jamieson van ALS Paramedics sê die motorfietsbestuurder het onverklaarbaar beheer oor die motorfiets verloor en teen ‘n lamppaal gebots.
Die motorfietsbestuurder was kritiek beseer en het in ‘n hartstilstand gehad. Personeel van verskeie ambulansdienste het probeer om hom weer by te bring, maar hy is op die toneel dood verklaar.
Omstandighede wat tot die ongeluk gelei het, is onbekend.
Die polisie was op die toneel teenwoordig.
