Geronay Michaela Whitebooi het sopas vir haar tweede Olimpiese Spele gekwalifiseer. Sy is die enigste judoka wat vir die Suid-Afrikaanse Olimpiese span gekwalifiseer het.
Michaela (gebore 2 Januarie 1996) woon in Pretoria. Sy het ‘n silwermedalje by die 2019 Afrika-spele en vier medaljes, waaronder twee goues, by die Afrika Judo-kampioenskappe ingepalm. Whitebooi het Suid-Afrika by die Olimpiese Somerspele 2020 in Tokio, Japan, verteenwoordig. Whitebooi het ook die gouemedalje by die 2022-Statebondspele gewen. Sy neem onder 48 kg deel.
In judo word kampioene deur toewyding, dissipline en passie gesmee. Geronay Whitebooi se reis is ‘n bewys van haar passie vir hierdie veeleisende sport. Sy maak gereed vir sukses in afwagting van haar ongelooflike 2024-reis. Whitebooi se verbintenis tot judo is meer as ‘n persoonlike keuse – dis ‘n leefstyl en ‘n bewys van haar toewyding ten spyte van finansiële uitdagings.
