KWAZULU-NATAL. – Die polisie in KwaDukuza is op soek na verdagtes nadat ‘n kontantwa Woensdag omstreeks 12:30 op die R74 in die rigting van Mamhumulo beroof is.
Brig. Jay Naicker sê na bewering het verdagtes in ‘n bakkie op die kontantwa geskiet en dit tot stilstand gedwing. Gewapende verdagtes het die veiligheidswagte aangehou en van hulle vuurwapens beroof.
Die kontantwa se kluis is opgeblaas en die verdagtes kon met ‘n onbekende bedrag geld ontsnap.
Die polisie het sake van gewapende roof en poging tot moord na die transitoroof oopgemaak.
“’n Multidissiplinêre soektog na die oortreders is tans aan die gang.”
