KWAZULU-NATAL. – Altesaam 15 leerders is beseer, waarvan twee ernstig en een kritiek, toe die voertuig waarin hulle skool toe vervoer is, vanoggend in Isithebe gerol het.
Samantha Meyrick van IPSS Medical Rescue sê in ‘n verklaring paramedici het hulle na die toneel gehaas. Leerders wat gering beseer is, is vir verdere behandeling na die Sundumbili-kliniek vervoer.
Meyrick sê drie leerders wat privaat na die kliniek vervoer is, is meer ernstig beseer. Die kritiek beseerde leerling is deur IPSS Medical Rescue se gevorderde lewensondersteunende paramedici na ‘n ander fasiliteit geneem.
.
