KWAZULU-NATAL. – ‘n Voetganger, vermoedelik ‘n slagoffer van ‘n tref-en-trap-ongeluk, se onthoofde liggaam is Sondag op die M41 in Umhlanga ontdek.
Reaction Unit South Africa sê verbygaande motoriste het die operasionale sentrum omstreeks 20:30 gekontak oor liggaamsdele wat in die pad lê.
Reaksiebeamtes het met aankoms op die toneel op ‘n lyf, bene en arms afgekom. Die kop kon nêrens gevind word nie. Die oorledene was vermoedelik ‘n slagoffer van ‘n tref-en-trap-ongeluk.
“Die voertuig wat in die ongeluk betrokke was, het nie op die toneel gestop nie.”
