VRYSTAAT. – Die ma van ‘n pasgeborene wat hom Sondagoggend omstreeks 07:45 by Dagbreek-woonstelle in Welkom se hek gelos het, word gesoek.
Kapt. Stephen Thakeng sê die gemeenskap se hulp word gevra om die ma op te spoor.
Volgens verslae het ‘n inwoner van die woonstelle die babaseun sonder klere by die hek aangetref en die polisie ontbied. Die baba is vir mediese aandag in ‘n hospitaal opgeneem.
‘n Saak van poging tot moord word ondersoek en enigiemand wat inligting van die babaseun se ma het, word gevra om speur.sers. Sinah Mvundle van Welkom-GKS by 078 095 7328 te bel.
