POLOKWANE. – Twee verdagtes is op aanklagte van die besit van onwettige hookah-produkte ter waarde van sowat R3.8 m., asook vir die oortreding van die doeanewet en omkopery in die Mogwadi-omgewing gearresteer.
Kol. Malesela Ledwaba, polisiewoordvoerder, sê die Capricorn Distrik-blitspatrollie het ’n wenk ontvang, wat tot die voorkeer van ‘n vragmotor op die R521-hoofweg gelei het. Tydens ‘n deursoeking is 908 bokse premium hookah-tabakgeure ontdek. Die twee verdagtes, onderskeidelik 34 en 46 jaar oud, kon nie die nodige dokumentasie vir die goedere verskaf nie en is in hegtenis geneem.
Ledwaba het bevestig dat een van die verdagtes probeer het om die polisiebeamptes om te koop, wat tot verdere aanklagte gelei het. Die vragmotor, wat na raming R400,000 werd is, is ook gekonfiskeer.
Die verdagtes sal binnekort op aanklagte in die Mogwadi-landdroshof verskyn.
