KWAZULU-NATAL. – Die Westville-tronk is Woensdagaand tydens ‘n suksesvolle gesamentlike operasie deursoek en op verskeie onwettige items beslag gelê.
Durban-metropolisie sê onder meer het die trio-misdaadeenheid, veiligheidsdienste, die polisie en korrektiewe dienste die operasie meegemaak. Daar is op Medium B-gevangenes gefokus en verskeie onwettige items is in hulle besit gekry.
SIM-kaarte, selfone, selfoonlaaiers, geld, skerpgemaakte voorwerpe, toestelle, dwelms en alkohol is gekonfiskeer, wat vir verdere ondersoek aan Korrektiewe Dienste oorhandig is.
