Lees ook: Israel en Hamas stem in tot skietstilstand
Die Suid-Afrikaanse departement van internasionale betrekkinge en samewerking het die skietstilstandooreenkoms tussen Israel en Hamas verwelkom.
Die departement het in ‘n verklaring gesê ’n regverdige en lang vrede moet geïmplementeer word, wat die regte van Palestynse en Israeliese burgers sal verseker, beskerm en bevorder.
Volgens die departement is die skietstilstand ’n nodige eerste stap om die erge humanitêre krisis in Gaza te beëindig, ’n krisis wat die Internasionale Geregshof as “moontlike volksmoord” beskou het.
Die departement het gesê ’n basis van regverdige vrede moet geskep word wat die vestiging van ‘n aangrensende, onafhanklike en lewensvatbare Palestynse staat insluit. Palestynse soewereiniteit en territoriale integriteit moet gehandhaaf word. Dit is noodsaaklik dat geen grond in Gaza of die Wesoewer ná die skietstilstand geannekseer word nie, en dat onwettige nedersettingsuitbreiding gestaak word.
Die departement het ook geëis dat humanitêre hulp in Gaza toegelaat word en dat die maatreëls wat die Internasionale Geregshof uiteengesit het, gevolg moet word.
Bronne: DIRCO
