VRYSTAAT. – Die polisie het Dinsdag 12 klasse tydens die Safer Schools Programme by ‘n hoërskool in Bloemfontein besoek. Verskeie onwettige items is gekonfiskeer.
Lt.kol. Thabo Covane sê die doel van die skooldeursoeking is om boeliegedrag, geweld en dwelmhandel en -misbruik in die leeromgewing aan te spreek. Terwyl die 12 klasse deursoek is, is 300 leerlinge van misdaad bewus gemaak.
Die polisie het op ‘n mes, daggakoekies (space muffins) en Rizla-gerolde dagga beslag gelê. ‘n Leerling het verskeie leë plastieksakkies vir dwelms gehad.
Covane bevestig vier leerlinge is vir verdere optrede aan die skoolbestuur oorhandig.
