POLAND. – ’n Vrou is gisteraand (Woensdag) dood tydens ’n bylaanval by die Universiteit van Warsaw in Poland.
Lees ook: Polisie glo nie daar was vuilspel betrokke by konstabels se dood nie
Die vrou het as ’n portier by die universiteit gewerk toe ’n derdejaarstudent in die Regte (22) die gebou deur ‘n lesingsaal ingegaan het. Die vrou was besig om haar laaste rondtes te maak voor die gebou sou sluit toe die verdagte haar met die byl aanval en haar gedood het. Plaaslike media het berig sy is onthoof. ’n Veiligheidswag het haar probeer help, maar is verskeie keer deur die aanvaller gewond en is na die hospitaal geneem.
Nog veiligheidswagte en die polisie kon die verdagte vang. Die motief vir die moord en aanval is onbekend.
Bronne: BBC, The Sun, Daily Mail
Lees ook: Polisie glo nie daar was vuilspel betrokke by konstabels se dood nie
