Die Suid-Afrikaanse Lugdiens (SAL) het onafhanklike digitale forensiese ondersoekers aangestel na dit op Saterdag 3 Mei 2025 onder ’n kuberkraakvoorval deurgeloop het.
Lees ook: DA dien mosie van wantroue in teen Jhb-burgemeester en -speaker
Die aanval het tydelik toegang tot die SAL se webtuiste en toep onderbreek en het ook verskeie interne operasionele sisteme aangetas.
Volgens die SAL het hulle ‘n onafhanklike forensiese ondersoek na die voorval ingestel. Ondersoekers sal bepaal of enige data van kliënte en werknemers gesteel is. SAL het onderneem om enigiemand wat die slagoffer van moontlike databreuk was, in kennis te stel.
Dit volg na MTN in April deur kuberkrakers geteiken is en “toegang tot persoonlike data” van kliënte in “sekere markte” verkry is.
Bronne: Biz Community, Tech Central, The Citizen
Lees ook: DA dien mosie van wantroue in teen Jhb-burgemeester en -speaker
