VSA. – Owerhede het die moontlike oorsaak bekendgemaak van die Mexikaanse vlootskip, die Cuauhtémoc, wat Saterdagaand teen die Brooklyn-brug in New York gebots het.
Lees ook: Sneeu en koue fronte vir die week voorspel
Twee mense het in die ongeluk gesterf en 19 ander is in die voorval beseer.
Die plaaslike burgemeester, Eric Adams, het op ’n nuuskonferensie gesê die ongeluk is waarskynlik deur ‘n meganiese probleem veroorsaak.
Volgens hom het die skip krag verloor, wat veroorsaak het dat die vaartuig in ‘n verkeerde rigting beweeg het. DIe skeepskaptein het dit bevestig.
Die skip se maste, wat teen die brug gebots het, was 158 voet hoog, terwyl die brug slegs 135 voet ruimte gehad het vir die maste om veilig onderdeur te gaan.
Die Nasionale Raad vir Vervoer en Veiligheid (NTSB) is steeds besig om die oorsaak van die ongeluk te ondersoek.
Bronne: LADbible, The Independent, PEOPLE
