OEKRAÏNE. – Tien mense, insluitend drie kinders, is oorlede nadat Rusland Charkif en Zaporizjzjia in Oekraïne oornag aangeval het.
Lees ook: Donald Trump gaan nog wapens vir Oekraïne beskikbaar maak
Die dak en boonste vloere van ’n woonstelkompleks in Charkif is vernietig toe dit getref is.
Drie mense is dood en 20 is beseer in ’n aanval op Zaporizjzjia.
Die aanvalle kom ure voor die Oekraïense president Wolodomir Zelenski en Europese leiers in Washington aangekom het vir ’n ontmoeting met die Amerikaanse president, Donald Trump. Trump het verlede Vrydag samesprekings met president Wladimir Poetin gehad oor ’n moontlike vredesooreenkoms om die oorlog te beëindig.
Bronne: BBC, New York Times, UN News
Lees ook: Oekraïne en Rusland begin weer môre met skietstilstandsamesprekings – Zelenski
