LIMPOPO. – Die voormalige sers. Avhahumi Aldolphus Netshikweta (41) het op 20 September 2017 ‘n motoris wat glo nie wou stilhou nie, geskiet. Netshikweta is vir moord tot 15 jaar tronkstraf gevonnis.
Lizzy Suping, Opod-woordvoerder, sê in ‘n verklaring die Lebowakgomo-groepreaksiespan het tydens ‘n misdaadvoorkomingsoperasie ‘n verdagte voertuig probeer voorkeer. Die bestuurder het glo geweier om stil te hou en het ‘n vuurwapen op die polisie gerig. Netshikweta het twee skote in die verdagte se rigting geskiet. Hy is noodlotting gewond. ‘n Vuurwapen is saam met dagga en nyaope in die oorledene se besit gekry.
Netshikweta is in die Limpopo-hooggeregshof aan moord skuldig bevind. Hy is ook onbevoeg verklaar om ‘n vuurwapen te besit.
