GAUTENG. – Walmart se eerste winkel in Suid-Afrika sal by Fourways Mall oopmaak. Die winkel sal die ruimte betrek wat voorheen deur Game beset is. Dit is nog nie seker wanneer die eerste winkel vir die publiek sal oop wees nie.
Hierdie stap volg op Walmart se volledige oorname van Massmart in 2022, wat die maatskappy in staat stel om sy eie handelsmerk direk in die Suid-Afrikaanse mark te vestig.
Volgens ‘n verklaring van Walmart International se president en hoof- uitvoerende beampte, Kath McLay, sal die nuwe winkels ‘n wye verskeidenheid produkte aanbied, insluitend kruideniersware, vars produkte, huishoudelike benodigdhede, klere en tegnologie. Die winkels sal ontwerp wees met helder, breë gange en sal digitale vermoëns insluit om die inkopie-ervaring te verbeter. Klante kan ook plaaslike produkte verwag, wat deel vorm van Walmart se strategie om ‘n positiewe impak op die plaaslike ekonomie te hê. (Walmart Corporate News and Information)
Bronne: Walmart, IOL en Business Insider Africa
